اسلام آباد۔ 7 مئی(اے پی پی)نائب وزیراعظم و وزیر خارجہ سینیٹر محمد اسحاق ڈار اسلامی تعاون تنظیم (او آئی سی) دے سیکرٹری جنرل حسین ابراہیم طہٰ نال ٹیلیفون تے ڳالھ مہاڑ کیتی۔ ترجمان دفتر خارجہ ولوں جاری بیان موجب نائب وزیراعظم و وزیر خارجہ سینیٹر اسحاق ڈار سیکرٹری جنرل کوں بھارت دے حالیہ غیر قانونی حملیاں توں پیدا تھیوݨ آلی علاقائی صورتحال توں خبردار کیتا۔ انہاں ایں ڳالھ تے زور ݙِتا جو پاکستان دی خودمختاری دی اے خلاف ورزی ہک کھلے جنگی اقدام دے برابر اے جیندے نتیجے اچ معصوم شہری شہید تھیئن اتے علاقائی امن و استحکام کوں ٻہوں وݙا خ??رہ تھی ڳئے۔ نائب وزیراعظم و وزیر خارجہ سیکرٹری جنرل او آئی سی تے زور ݙِتا جو او پہلگام حملے دے بعد اسلامو فوبیا، نفرت تے مبنی تشدد اتے ٹارگٹڈ حملیاں اچ خطرناک حد تئیں ودھارے کوں سامݨے رکھدے ہوئیں ہندوستان اتے مقبوضہ کشمیر اچ مسلماناں دے حقوق بچاوݨ کیتے کوششاں جاری رکھݨ۔ سیکرٹری جنرل معصوم شہریاں دی شہادت تے ہمدردی ک??ین??ے زخمیاں دی تیکھے صحت یابی دی دعا کیتی۔ انہاں بانی رُکن دی حیثیت نال پاکستان کیتے او آئی سی دی حمایت دا اعادہ کیتا اتے کشمیری عوام نال تنظیم دی نہ مُکݨ آلی یکجہتی کوں دوہ??ین??ے ہوئیں جموں و کشمیر تنازعے دے منصفانہ حل دی لوڑھ تے زور ݙِتا۔
