اسلام آباد۔ 17 ??ول??ئی (اے پی پی)وزیرِ اعظم محمد شہباز شریف آندے سالاں اچ ساوݨ اتے کلاؤڈ برسٹ دی ممکنہ صورتحال نال نٻݨݨ کیتے اڳونہے اقدامات دی ہدایت مون کریندے آکھیے جو ایں سانڳے وفاقی حکومت پورا ہتھ ونݙیسی، این ڈی ایم اے صوبیاں نال رل ??ے ایںدے کیتے مربوط منصوبہ بندی کرے۔ وزیرِ اعظم محمد شہباز شریف نیشنل ایمرجنسیز آپریشنز سنٹر اسلام آباد دا دورہ کیتا۔ ایں موقع تے وزیرِ اعظم کوں اڄوکے ساوݨ اچ بارشاں اتے سیلابی صورتحال تے بریفنگ ݙتی گئی۔ وزیرِ اعظم آکھیا جو اڄوکے ساوݨ اچ کلاؤڈ برسٹ تھئین جیندے نال غیر معمولی صورتحال دا سامݨا اے، چکوال، لاہور، راولپنڈی اتے ݙوجھے شہراں اچ تکڑیاں بارشاں تھئین، اللہ دا شکر اے جو جنوبی پنجاب سودھا ݙوجھے علاقیاں اچ بارشاں دا زور کائینی، پنجاب حکومت اتے ٻئے صوبیاں ساوݨ دی غیر معمولی صورتحال نال نبڑݨ کیتے چنگے انتظامات کیتن جیندے نال نقصانات گھٹ تھئین ٻھل ایندے اچ جانی نقصان تے افسوس اے۔ بریفنگ اچ ݙسایا گیا جو آندے سالاں اچ کلاؤڈ برسٹ اچ مزید شدت آسی جیندے کتیے اڳونہے اقدامات دی لوڑھ اے، وفاقی حکومت اتے این ڈی ایم اے صوبیاں وچال رابطے ودھاون، این ڈی ایم اے کوں سارے ممکنہ اتے ضروری وسائل ݙتے وی??ن، صوبے وی اپݨے طور تے انسانی وسائل، ٹیکنالوجی، ریسکیو اتے ریلیف کیتے ہتھ ونݙیسن۔ وزیرِ اعظم آکھیا جو وزارت موسمیاتی تبدیلی اتے وزارت منصوبہ بندی و ترقی کوں این ڈی ایم اے اتے صوبیاں نال رل ??ے آندے سال دی بھرپور تیاری کرݨی چاہیدی اے، اے اللہ تعالٰی دی طرفوں ساڈے کیتے ہک موقع وی اے جو اساں ریزیلیئنٹ قوم ٻݨوں، زرعی اتے ݙوڄھے شعبیاں دا انفراسٹرکچر ودھاؤں۔ وزیرِ اعظم آکھیا جو این ڈی ایم اے اتے صوبیاں وچال بہترین کم کیتے تعاون جاری اے۔ وزیرِ اعظم آکھیا جو ایں سال دے تجربے دا جائزہ گھن تے صوبیاں نال آندے سال کیتے تیاری کیتی ونجے، وزارت منصوبہ بندی اتے وزارت موسمیاتی تبدیلی دے وزراء متعلقہ اداریاں نال رل ??ے ایں بارے مربوط منصوبہ ٻݨاون تاں جو اڳو تے اینجھی صورتحال توں بچیا ونڄ سڳے۔ انہاں ایں موقع تے وفاقی وزیر اطلاعات و نشریات کوں ہدایت کیتی جو ویلھے تے ایں سانڳے آگاہی مہم نال لوکاں کوں ہوشیار رکھن، معاملے تے الیکٹرانک اتے پرنٹ دا شعبہ بہترین کم کریندا پئے ڄیکوں ٻیا اڳو تے ودھاوݨا ہوسی۔ ایں توں پہلے چیئرمین این ڈی ایم اے لیفٹیننٹ جنرل ??نعام حیدر وزیرِ اعظم کوں بریفنگ ݙیندے ہوئیں ݙسایا جو ایں سال مون سون دی مجموعی شدت گزریل سال دے مقابلے اچ 60 توں 70 فیصد ودھ اے، ایں سال معمول توں ݙو تو ترائے سپیل دا وادھا تھئے، ہݨ تئیں 178 انسانی جاناں دا ضیان تھئے جڈاں جو 500 زخمی ہین، ایں واری پنجاب دے ہیٹھلے علاقے، پنجاب اتے اسلام آباد دے نیڑ?? دے علاقے اتے آزاد جموں و کشمیر اچ ایںدی شدت ودھ اے۔ وزیرِ اعظم کوں ݙسایا گیا جو روزانہ دی بنیاد تے ڈیٹا صوبائی ڈیزاسٹر مینجمنٹ اتھارٹیز نال شیئر کیتا ویندا پئے، آرمی، ریسکیو 1122، چیف سیکرٹریز دے دفتراں، اریگیشن واٹر اتے پاور توں متعلقہ حکام آن بورڈ ہین، آندے ست ݙینہاں اچ پنجاب، آزاد جموں و کشمیر اتے کے پی ک?? دے شمالی علاقے ودھ متاثر تھیسن۔ وزیرِ اعظم کوں ݙسایا گیا جو ہݨ تئیں مون سون دے ترائے سپیل آ چکین ڄڈاں جو 21 توں 28 ??ول??ئی تئیں چوتھا، اگست دے پہلے ہفتے پنڄواں، ݙوجھے ہفتے چھیواں اتے تریڄھے ہفتے اچ ستواں سپیل متوقع اے۔ انہاں ݙسایا جو ڄھکے علاقیاں اچ ایں ویلھے پاݨی کھڑے اتے ہر متوقع امداد دی فراہمی یقینی بݨائی ویندی پئی اے، اڄ رات راولپنڈی، اسلام آباد اچ تکڑی بارش متوقع اے۔
