اسلام آباد۔20اکتوبر (اے پی پی) وفاقی وزیر داخلہ محسن نقوی نال گورنر خیبرپختونخوا فیصل کریم کنڈی ملاقات کیتی جئیں اچ خیبرپختونخوا اچ امن و امان دی مجموعی صورتحال، دہشتگردی دے اڄوکے ??اق??یاں اتے جاری آپریشنز بارے تفصیلی ڳالھ مہاڑ کیتی ڳئی۔ ترجمان وزارت داخلہ دے مطابق ملاقات اچ فتنہ الخوارج دے خلاف مختلف ضلعیاں اچ جاری کارر??ائ??اں، پاک افغان سرحدی حالات اتے دہشتگردی دے خاتمے کیتے کیتے ڳئے اقدامات بارے وی ڳالھ تھئی۔ ݙوہیں رہنماواں خیبرپختونخوا اچ پائیدار امن دے قیام کیتے سکیورٹی فورسز دی قربانیاں کوں سراہیا اتے انہاں دی خدمات کوں خراجِ تحسین پیش کیتا۔ محسن نقوی آکھیا جو پولیس ٹریننگ سنٹر اتے نادرا آفس ڈیرہ ??سماعیل خان تے حملیاں اچ شہید تھیوݨ آلے اہلکاراں کوں پوری قوم سلام پیش کریندی اے۔ انہاں متاثرہ ??مارتاں دی بحالی دے عمل بارے وی ڳالھ کیتی، وزیر داخلہ دا آکھݨ ہا جو خیبرپختونخوا دی عوام اتے قانون نافذ کرݨ آلے ادارے بہادری نال دہشتگردی دے ناسور دا مقابلہ کریندے پئن، فتنہ الہندوستان دے دہشتگرد پاکستان دی یکجہتی اتے امن دے دشمن ہن، انہاں درندہ صفت عناصر دے خلاف آپریشنز جاری رہسن اتے اساں پاکستان دی سرزمین توں فتنہ الہندوستان دا خاتمہ کر تے ساہ گھنسوں۔ محسن نقوی واضح کیتا جو وفاقی حکومت صوبے اچ امن و امان دے قیام اتے انسدادِ دہشتگردی کیتے بھرپور تعاون فراہم کریندی پئی اے، بھارتی حمایت یافتہ دہشتگرداں دے مذموم عزائم کݙاہیں کامیاب نہ تھیسن۔ گورنر خیبرپختونخوا فیصل کریم کنڈی آکھیا جو خیبرپختونخوا دی عوام امن دے داعی ہن، صوبے دی ترقی تے خوشحالی کیتے امن ضروری اے اتے ملک و قوم دے دشمناں دے خلاف انٹیلی جنس بیسڈ آپریشنز ویلھے دی لوڑھ ہن۔ ݙوہیں رہنماواں ایں عزم دا اظہار کیتا جو ملک دشمن عناصر دے خلاف کارر??ائ??اں پوری قوت نال جاری رہسن تاں جو صوبے اچ پائیدار امن کوں یقینی بݨایا ونجے۔
