اسلام آباد۔21ستمبر(اے پی پی) وزیراعظم محمد شہباز شریف آکھیے جو پائیدار امن ایں وقت تئیں م??کن کائنی جے تئیں جھیڑے دیاں بنیاداں ختم نہ کر ݙتیاں ونڄن۔ اڄ دنیا وچ جھیڑے تے تے ناانصافیاں بنی نوع انسان دے مستقبل کوں خطرے وچ پا ݙتے۔ امن دے ودھارے کیتے ہر فرد تے ہر قوم کوں اپݨا انفرادی تے اجتماعی کردار ادا کرݨا ہوسی۔ پاکستان کوں ای?? امر تے فخر اے جو ایں عالمی امن دے قیام وچ بھرپور کردار ادا کیتے۔ وزیر اعظم دفتر دے میڈیا ونگ توں جاری بیان موجب اے ڳالھ وزیراعظم محمد شہباز شریف عالمی ی??م امن دے موقع تے اپݨے پیغام وچ آکھی۔ وزیراعظم آکھیا جو اے ݙینھ اساں کوں سنجیدہ انداز وچ ای?? امر دی یاد ݙویندے جو امن دے ودھارے کیتے ہر فرد تے ہر قوم کوں اپݨا انفرادی تے اجتماعی کردار ادا کرݨا ہوسی۔ وزیراعظم شہباز شریف آکھیا جو پائیدار امن ایں ویلھے تئیں م??کن کائنی جے تئیں جھیڑے دیاں بنیاداں، جنہاں وچ غربت، انسانی حقوق کنوں انکار تے ودھدی عدم برداشت شامل ہن، ختم نہ کر ݙتیاں ونڄن۔ انہاں آکھیا جو امن کوں مضبوط بین الاقوامی اداریں دے ذریعے پروان چڑھاوݨا تے محفوظ رکھݨا ہوسی۔ عالمی برادری کوں چاہیدے جو او اقوام متحدہ دے چارٹر موجب پرامن ذرائع کنوں جھیڑے دے حل دے عزم کوں ہک وار ول پکا کرے۔ وزیراعظم شہباز شریف آکھیا جو جݙݨ اسا?? امن دے حقیقی مفہوم تے غور کریندوں تاں اساں فلسطین دے مقبوضہ علاقے تے بھارت دے زیر تسلط مقبوضہ جموں و کشمیر وچ جاری سنگین انسانی المیہ کوں نظرانداز نی کر س??دے?? جے تئیں انہاں خطیں دے عوام کوں سلامتی کونسل دیاں قرارداداں م??جب حق خودارادیت نی ݙتا ویندا، مستقل امن ہک خواب ای رہسی۔ وزیراعظم شہباز شریف آکھیا جو پاکستان کوں ای?? امر تے فخر اے جو ایں عالمی امن دے قیام وچ بھرپور کردار ادا کیتے۔ اقوام متحدہ دے امن مشناں وچ ݙہاکیں تے محیط شمولیت تے متاثرہ آبادیاں کوں انسانی ہمدردی دی بنیاد تے امداد ݙیوݨ پاکستان دی انہاں کاوشاں دا حصہ اے جنہاں کنوں دنیا دے جھیڑے آلے علاقیں اچ امن تے استحکام کوں ودھارا ملئے۔ ایں عالمی ی??م امن تے آؤ اساں سارے تعمیری تے اجتماعی عمل دا عہد کریسوں؛ انہاں ہتھیاراں کوں خاموش کریسوں جیڑھے بے گناہواں دی جان گھندن؛ سفارت کاری تے ول اعتماد کریسوں تے جھیڑیں کوں پرامن ذرائع نال حل کریسوں۔ پاکستان اپݨا کردار ادا کرݨ کیتے تیار اے تے عالمی برادری کنوں اپیل کریندے جو اساݙے نال رل تے امن، انصاف تے انسانیت دی بحالی کیتے جدوجہد کرے۔ وزیراعظم آکھیا جو اللہ تعالیٰ کنوں دعا اے جو دنیا وچ امن قائم تھیوے۔ آمین
