اسلام آباد۔ 28 ستمبر(اے پی پی) صدر مملکت آصف علی زرداری آکھیے جو معلومات تئیں رسائی ہر شہری دا بنیادی تے جمہوری حق اے۔ معلومات دا آزادانہ بہاؤ شفافیت، جوابدہی تے چنڳی حکمرانی کوں ودھیندے۔ ایوان صدر دے پریس ونگ توں جاری بیان موجب، صدر مملکت معلومات تئیں رسائی دے عالمی ݙینھ دے موقع تے سنھیا ݙیندے آکھیا جو غلط معلومات تے نقلی خبراں دے ذریعے سچ کوں مسخ کرݨ اڄ دے دور دا وݙا چیلنج اے۔ نقلی خبراں دے کھنڈݨ نال قومی یکجہتی تے اداریں تے عوامی اعتماد کوں ضیان پُڄدے۔ ذمہ دارانہ رپورٹنگ تے درست معلومات ݙیوݨ جمہوری استحکام کیتے ضروری اے۔ صدر مملکت آکھیا جو معلومات تئیں وقتی تے درست رسائی شہریاں کوں بااختیار بݨیندی اے۔ انہاں عوام توں اپیل کیتی جو سوشل میڈیا تے غیر مصدقہ معلومات کھنڈاوݨ توں پرہیز کیتا ونڄے۔ باخبر معاشرہ ہی شفافیت، ترقی تے انصاف دی بنیاد رکھیندے۔ انہاں سارے اداریں کوں آکھیا جو معلومات تئیں رسائی دے نظام کوں ٻیا مؤثر بݨاؤن۔
