اسلام آباد۔25ستمبر(اے پی پی)نیشنل انسٹیٹیوٹ آف پبلک ایڈمنسٹریشن(نیپا)لاہور اچ زیر تربیت سینئر افسراں تے مشتمل وفد پبلک پروکیورمنٹ ریگولیٹری اتھارٹی دا دورہ کیتا۔ اے دورہ 44 ویں مڈ کیریئر مینجمنٹ کورس (ایم سی ایم سی) دے ان لینڈ سٹڈی ٹور دا حصہ ہا جیںدا مقصد شرکاء کوں پاکستان اچ سرکاری خریداری اتے ادارہ جاتی اصلاحات توں واقف کراوݨ ہا۔ منیجنگ ڈائریکٹر پیپرا حسنات احمد قریشی وفد دا خیرمقدم کیتا اتے اتھارٹی دے مختلف پروگرامز اتے اصلاحات اچ تھیوݨ آلی ترقی تے تفصیل نال بریفنگ ݙیندے نویں پبلک پروکیورمنٹ رولز 2025 دی تیاری، سرکاری اداریاں اچ پروکیورمنٹ سیلز دے قیام کیتے جاری کوششاں اتے نگرانی کوں مؤثر بݨاوݨ کیتے غیر جانبدار اتے آزادانہ جانچ پڑتال دے نظام بارے ݙسایا۔ ایم ڈی پیپرا وفاق اتے صوبائی سطح تے نافذ کیتے ونڄݨ آلے ای پاک ایکوزیشن اینڈ ڈسپوزل سسٹم (ای پیڈز) بارے تفصیل نال معلومات ݙیندے ایکوں شفافیت اتے احتسابی عمل ودھاوݨ کیتے ہک اہم قدم قرار ݙتا۔ انہاں وفد کوں پیپرا دی آگاہی مہم، سٹیک ہولڈرز نال رابطے اتے صلاحیت ودھاوݨ کیتے جاری پروگرامز دا ݙسایا جیڑھا سرکاری اداریاں دے اہلکاراں اتے کنٹریکٹرز دی تربیت دا سلسلہ لمز، آئی بی اے، نسٹ جھیں ممتاز تعلیمی اداریاں اتے عالمی شراکت داراں ورلڈ بینک، ایشیائی ترقیاتی بینک (اے ڈی بی) اتے یو این ڈی پی دے تعاون نال جاری اے۔ ایں موقع تے حسنات قریشی گڈ گورننس کیتے پیپرا دا عزم دوہرایا اتے آکھیا جو ای پیڈز دے نفاذ اتے نویں پروکیورمنٹ قوانین نال اساں سرکاری خریداری اچ شفافیت، مسابقت اتے سرکاری فنڈز دے درست استعمال کوں ادارہ جاتی سطح تے ودھیندے پئے ہیں، وزیراعظم ہک واضح ویژن ݙتے جو سرکاری خریداری دے سارے مرحلیاں کوں پورے طور تے ڈیجیٹائز کیتا ونجے تاں جو اے نظام شفاف، مؤثر اتے منصفانہ ہووے، ایںدے نال ہی اساں ہک اینڄھا ڈیجیٹل نظام بݨیدے پئے ہیں جیڑھا کیش لیس اکانومی ودھاوے اتے عوامی لین دین کوں تیکھا، محفوظ اتے قابلِ اعتماد بݨاوے۔ نیپا دے وفد اچ مختلف وفاقی و صوبائی محکمہ دے 15 افسران اتے ہک فیکلٹی ممبر شامل ہن۔
