اسل??م آباد۔5اگست(اے پی پی)پاکستان یوم استحصال کشمیر تے کشمیری لوکاں نال یکجہتی کیتے، صدرمملکت، وزیراعظم، نائب وزیراعظم اپݨے سنیہے اچ کشمیر کیتے پاکستان ولوں ودھ سفارتی، سیاسی و اخلاقی حمایت دا عزم دوہرائے۔ دفتر خارجہ آکھیے جو 5 اگست 2019 کوں بھارت دے غیر قانونی زیر قبضہ جموں و کشمیر اچ بھارت دے غیر قانونی و یکطرفہ اقدامات دے پنجویں ورھیݨے تے منگل کوں پورے ملک اچ ” یوم استحصال کشمیر” منیا ڳئے اتے ایں سانڳے صدرمملکت، وزیراعظم، نائب وزیراعظم اتے وزیر خارجہ اپݨے سنیہے اچ کشمیر کیتے پاکستان ولوں ودھ سفارتی، سیاسی و اخلاقی حمایت دا عزم دوہرائے۔ نائب وزیراعظم اتے وزیر خارجہ اقوام متحدہ اتے اسلامی تعاون تنظیم دی قیادت کوں خط لکھین جو انہاں کوں 5 اگست 2019 توں بھارتی اقدامات دے سنگین نتائج ݙسائے ونڄن، انہاں زور ݙتے جو اقوام متحدہ دی سلامتی کونسل دیاں متعلقہ قرارداداں تے عملدرآمد کیتا ونڄے تاں جو جموں و کشمیر دے عوام اپݨے مستقبل دا آپ فیصلہ کر سڳن۔ ایں سانڳے سیکرٹری خارجہ یوم استحصال بارے اسل??م آباد اچ قائم سفارتی مشن کوں صروتحال ݙسائی ??ے۔ یوم استحصال سانڳے سنوار کوں اسل??م آباد اچ کانسٹی ٹیوشن ایونیو نال پارلیمنٹ دی عمارت تئیں ہک خصوصی واک کیتی ڳئی ??یندے مہمان خصوصی نائب وزیراعظم اتے وزیر خارجہ، وزیر امور کشمیر و گلگت بلتستان ??ن۔ یوم استحصال مناوݨ کیتے پورے ملک اچ مختلف سرگرمیاں تھئین۔ پاکستانی اتے کشمیری تارکین وطن دی فعال شرکت نال ڄڳ اچ پاکستان دے سفارتی مشن وی کشمیری عوام دی حالت زار بارے عالمی سطح تے آگاہی کیتے خصوصی تقریباں کیتن۔
