اسلام آباد۔ یکم اکتوبر(اے پی پی) قائم مقام صدر سید یوسف رضا گیلانی آکھیے جو پاکستان شام دے نال آپݨے تاریخی تے بھرپی آلے تعلقات کوں قدر دی نگاہ نال ݙیکھدے جنہاں دیاں پاڑاں مشترکہ مذہبی اقدار، تاریخ تے سانجھے احترام تے مبنی ہن، ݙوہیں ملکاں ہمیشہ آزمائش ویلھے ہک ݙوجھے دے رلے رہین۔ اے ڳالھ انہاں پاکستان وچ شام دے سفیر ڈاکٹر رامز الریعی نال ڳالھ مہاڑ کریندے آکھی جنھاں ایوان صدر وچ انہاں نال ملاقات کیتی۔ ایوان صدر دے پریس ونگ توں جاری بیان موجب ملاقات وچ ݙوہیں ملکاں دے پراݨے تعلقات کوں مزید ودھاوݨ تے علاقائی امن تے استحکام تے خوشحالی کیتے مشترکہ کوششاں جاری رکھݨ دے عزم دا اعادہ کیتا ڳئے۔ سید یوسف رضا گیلانی آکھیا جو پاکستان تے شام ہمیشہ آزمائش ویلھے ہک ݙوجھے دے رلے رہین ۔انہاں آکھیا جو پاکستان شام دے نال آپݨی ا??ول?? تے ثابت قدم دوستی کوں مدنظر رکھیندے شام وچ خانہ جنگی دے دوران وی دمشق وچ آپݨا سفارتی مشن برقرار رکھیے، پاکستان شام دی تعمیر نو وچ تعاون کیتے تیار اے۔ قائم مقام صدر آکھیا جو دمشق تے ملتان دیاں قدیم تہذیباں وچ مماثلت پاتی ویندی اے۔ انہاں ݙوہیں شہراں وچال گھاٹے تاریخی تعلق کوں اجاگر کریندے آکھیا جو ݙوہیں تہذیبی گہرائی تے لچک دی علامت ہن۔ انہاں آکھیا پاکستان بین الاقوامی فورمز تے مسلسل شام دی حمایت کیتی اے جیندے وچ اسلامی تعاون تنظیم (او آئی سی) وچ شام دی رکنیت دی بحالی وچ فعال کردار وی شامل اے۔ انہاں آکھیا جو پاکستان کنے وݙی تعداد وچ ہنر مند افراد ہن جیڑھے شام دی تعمیر نو خاص طور تے طب، تعلیم، انفارمیشن ٹیکنالوجی تے بینکنگ دے شعبیں وچ آپݨا کردار ادا کر سڳدن۔ انہاں آکھیے جو پاکستان دے تربیتی پروگرا?? شامی سفارتکاراں، استاداں تے طبی ماہرین کیتے دستیاب ہن۔ قائم مقام صدر سفیر نال ملاقات دے دوران شام دی پارلیمنٹ دے سپیکر کیتے اڳلے مہینے منعقد تھیوݨ آلی بین الپارلیمانی سپیکرز کانفرنس وچ شرکت دا دعوت نامہ وی ݙتا۔ سفیر ڈاکٹر رامز الریعی پاکستان دی غیر متزلزل حمایت تے شکریہ ادا کریندے آکھیا شام پاکستان دے نال آپݨے تاریخی تعلقات کوں ٻہوں اہمیت ݙیندے۔ سفیرآکھیے جو شام دفاع، ریلوے، معیشت، آئی ٹی تے تعلیم سودھے مختلف شعبیں وچ پاکستان دے نال تعاون چاہندے۔ انہاں عوام وچال رابطے ودھاوݨ دی اہمیت تے وی زور ݙتا۔
