اسلام آباد (اے پی پی) وزیراعظم محمد شہباز شریف ٹیکس چوری اَتے اسمگلنگ کوں روکݨ کیتے ٻئے اقدامات دے جلدی اَتے مؤثر نفاذ دی ہدایت کریندیں ہوئیں آکھیا جو 70 سال دے وگاڑ کوں ٹھیک کرݨ کیتے سخت اقدامات ضروری ہن، ٹیکس ݙیوݨ آلے لوکاں اَتے کاروبار کوں ودھ توں ودھ سہولتاں ݙیسوں، ٹیکس چوری کرݨ آلے لوک اَتے کاروبار کہیں وی رعایت دے حقدار نئیں ۔ منگل کوں وزیراعظم آفس دے میڈیا ونگ ولوں جاری بیان موجب وزیراعظم محمد شہباز شریف دی صدارت اچ ایف بی آر دے معاملیاں اَتے جاری اصلاحات تے جائزہ اجلاس تھیا۔ اجلاس اچ وفاقی وزیراعظم نذیر تارڑ، احد خان چیمہ، محمد اورنگزیب، عطاء اللہ تارڑ، چیئرمین ایف بی آر اَتے متعلقہ اعلیٰ حکام شریک کیتی۔ وزیراعظم اجلاس توں خطاب کریندیں ہوئیں آکھیا جو ایف بی آر دی ڈیجیٹلائزیشن اَتے نظام کوں خودکار بݨاوݨ کیتے اقدامات تیزی نال جاری ہن۔ انہاں آکھیا جو 70 سال دے وگاڑ کوں ٹھیک کرݨ کیتے سخت اقدامات ضروری ہن، ٹیکس ݙیوݨ آلے لوکاں اَتے کاروبار کوں ودھ توں ودھ سہولتاں ݙیسوں، ٹیکس چوری کرݨ آلے لوک اَتے کاروبار کہیں وی رعایت دے حقدار نئیں ، ٹیکس چوری کرݨ آلے لوکاں اَتے کاروبار دے خلاف مؤثر قانونی ??اروائی کیتی ویسی۔ وزیراعظم ایف بی آر اَتے ایں دے معاون قانون نافذ کرݨ آلے اداریاں دی ٹیکس آمدݨ اچ ودھارے دیاں کوششاں دی تعریف کیتی۔ اجلاس کوں ݙسیا ڳیا جو ملک اچ سیلز ٹیکس دی چوری کوں روکݨ کیتے نیشنل ٹارگٹنگ سسٹم متعارف کرایا ویندا پئے، ایں نظام دے تحت مصنوعات دی نقل و حرکت اچ شامل گاݙیاں کوں ای ٹیگ اَتے ڈیجیٹل ڈیوائس دے ذریعے براہ راست ٹریک کیتا ویسی۔ ایں توں انڄ ای-بلٹی دا نظام وی متعارف کرایا ویندا پئے جیڑھا جو ایف بی آر دے سسٹم تے جاری کیتا ویسی، ملک دیاں ساریاں وݙیاں شاہراہواں اَتے شہراں اچ داخلے دیاں جہیں تے ڈیجیٹل مانیٹرنگ سسٹم لایا ویسی، ایں اقدام نال اسمگلنگ اَتے سیلز ٹیکس چوری دا خاتمہ تھیسی اَتے عام شہریاں کوں روکݨ دی تکلیف توں جان چھٹسی اَتے ویلھے دی بچت تھیسی، ایں نظام نال معیشت دی ڈیجیٹلائزیشن ممکن تھیسی اَتے محصولات اچ خاطر خواہ ودھارا تھیسی۔ اجلاس کوں ٻیا ݙسیا ڳیا جو بندرگاہواں اَتے ہوائی اڈیاں تے درآمدات اَتے برآمدات دی ڈیجیٹل اَت?? خودکار نگرانی ??یتے کسٹم ٹارگٹنگ سسٹم متعارف کرایا ویندا پئے، ایں نظام کوں مقامی اَتے بین الاقوامی ڈیٹا بیس نال جوڑیا ویسی اَتے مصنوعی ذہانت کوں استعمال کریندیں ہوئیں ٹیکس چوری اَتے اسمگلنگ کوں روکیا ویسی۔ اجلاس کوں ݙسیا ڳیا جو ایف بی آر اَتے متعلقہ اداریاں دی افرادی قوت کوں نویں نظام نال واقف کراوݨ کیتے انہاں دی تربیت دا مؤثر انتظام وی کیتا ویندا پئے۔ اجلاس کوں ٻیا ݙسیا ڳیا جو ایں نظام کوں ݙو مرحلیاں وچ نافذ کیتا ویسی، پہلے مرحلے اچ کہیں ہک وݙے شہر توں ایں دے پائلٹ پراجیکٹ شروع کیتا ویسی اَتے بعد وچ اونکوں پو??ے ملک وچ نافذ کیتا ویسی۔ اجلاس کوں سیمنٹ، ہیچریز، پولٹری فیڈ، تمباکو اَتے مشروبات دے شعبے اچ سیلز ٹیکس دی نگرانی بارے وی بریفنگ ݙتی ڳئی۔ اجلاس کوں ݙسیا ڳیا جو کھنڈ دی صنعت تے نافذ کر ݙتے ڳئے نگرانی دے نظام وانگوں تمباکو، مشروبات، سٹیل اَتے سیمنٹ دے شعبیاں وچ پیداوار دی نگرانی ??یتے ایف بی آر اَتے معاون اداریاں دے افسر اَتے اہلکار تعینات کر ݙتے ڳئن۔ وزیراعظم سارے اقدامات کوں جلدی، مؤثر اَتے پائیدار طریقے نال نافذ کرݨ دی ہدایت کیتی۔
