نیویارک۔ 27 ستمبر (اے پی پی) نائب وزیراعظم تے وزیرخارجہ سینیٹر محمد اسحاق ڈار نیویارک اچ اقوام متحدہ دی جنرل اسمبلی دے 80ویں اجلاس دے موقع تے دولت مشترکہ دی سابق سیکرٹری جنرل پیٹریشیا سکاٹ لینڈ نال ملاقات کیتی۔ نائب وزیراعظم دولت مشترکہ دے رکن ملکاں وچال تعاون کوں تکڑا بݨاوݨ اچ سابق سیکرٹری جنرل دے کردار دی تعریف کیتی تے 2024 اچ انہاں دے کامیاب دورہ پاکستان کوں یاد کیتا۔ ملاقات اچ سانجھی دلچسپی دے امور تے علاقائی امن تے ترقی تے وی ڳالھ مہاڑ تھئی ۔ سابق سیکرٹری جنرل علاقائی امن تے ترقی دے اقدامات کوں اڳوں تے ودھاوݨ کیتے نائب وزیراعظم دے فعال کردار دی تعریف کیتی۔
