راولپنڈی۔ 24 ستمبر(اے پی پی)سیکیورٹی فورسز ضلع ڈیرہ اسماعیل خان دے علاقے درابن اچ انٹیلی جنس تے مبنی آپریشن اچ بھارتی پراکسی فتنہ الخوارج دے 13 خوارج کوں جہنم واصل کر ݙتا۔ آئی ایس پی آر موجب سیکیورٹی فورسز بھارتی پراکسی فتنہ الخوارج دے خوارج دی موجودگی دی اطلاع تے ضلع ڈیرہ اسماعیل خان دے علاقے درابن اچ انٹیلی جنس تے مبنی آپریشن کیتا۔ آپریشن اچ سیکیورٹی فورسز خوارج دے ٹھکانے دا مؤثر طریقے نال گھیراؤ کیتا اتے بھارتی حمایت یافتہ 13 خوارج کوں جہنم واصل کر ݙتا۔ ہلاک تھیوݨ آلے بھارتی حمایت یافتہ خوارج توں اسلحہ اتے گولہ بارود وی برآمد تھیا۔ اے خوارج انہاں علاقیاں اچ ڄملے دہشتگردانہ سرگرمیاں اچ ردھے رہین جیندے اچ دسمبر 2023ء اچ درابن اچ خودکش بم حملہ، سرکاری اہلکاراں اتے معصوم شہریاں دے اغوا اتے ٹارگٹ کلنگ اچ سہولت کاری شامل ہئی۔ علاقے اچ موجود کہیں وی ٻئے ہندوستانی حمایت یافتہ خارجی کوں ختم کرݨ کیتے کلیئرنس آپریشن کیتے ویندے پئن۔ پاکستان دیاں سیکیورٹی فورسز ملک توں ہندوستانی سپانسر شدہ دہشتگردی دی لعنت کوں ختم کرݨ کیتے پرعزم ہن۔
