لاہور۔29مارچ (اے پی پی) سیکرٹری اسٹیبلشمنٹ ڈویژن انعام اللہ خان دھاریجو سرکاری افسراں تے زور ݙتے جو او آپݨے آپݨے شعبیں اچ عوام دی خدمت کرݨ اچ کوئی کسر نہ چھوڑن تے عوامی فلاح و بہبود اتے انہاں کوں بہم ریلیف ݙیوݨ سانڳے بہتر??ن اتے عوام دوست پالیسیاں بݨاوݨ تے تاں جو عام آدمی دے مسئلے وختی حل تھی سڳن۔ او جمعہ دے ݙینھ اتھاں سول سروسز اکیڈمی والٹن اچ 51و??ں کامن ٹریننگ پروگرام دی پاسنگ آوٹ تقریب توں بطور مہمان خصوصی خطاب کریندے پئے ہن ۔ تقریب اچ ڈائریکٹر جنرل سول سروسز اکیڈمی فرحان عزیز خواجہ،فیکلٹی ممبران ، پروبیشنری افسران اتے انہاں دے والدین موجود ہن۔ سیکرٹری اسٹیبلشمنٹ ڈویژن انعام اللہ خان دھاریجو پروبیشنری افسران توں مخاطب تھی تے آکھیے جو تساں سول سرونٹس ہووݨ دے ناطے معاشرے دی بہتر اصلاح اتے ملک تے قوم دی ترقی سانڳے ہر ویلھے کوشاں رہو کیوں جو عوام دیاں امیداں تساں نال جڑیاں ہوئن ۔ انہاں آکھیے جو سول سرونٹس ملک دی مشینری دا کلیدی حصہ ہن جیں دے بغیرنہ ملک اڳوں ودھ سڳدے تے نہ ہی معاشرے دی حقیقی معنیں اچ اصلاح ممکن تھی سڳدی اے لہذا تساں دل لاتے ، محنت نال مہذب معاشرے بݨاوݨ اچ آپݨا بھرپور کردار نبھاؤ
