آستانہ۔4جولائی(اے پی پ??)وزیراعظم محمد شہباز شریف اتے بیلاروس دے صدر الیگزینڈر لوکا شینکو اقتصادی و تجارتی تعلقات تکڑے بݨاوݨ دا عزم دوہرائے۔ وزیراعظم آفس میڈیا ونگ توں جاری بیان موجب آستانہ اچ ایس سی او سربراہی اجلاس ویلھے وزیراعظم محمد شہباز شریف نال صدر الیگزینڈر لوکاشینکو ملاقات کیتی۔ ملاقات اچ سیاسی تعلقات، تجارت تے سرمایہ کاری، دفاعی تعاون اتے علاقائی مسئلیاں سودھا مختلف معاملات تے ڳالھ مہاڑ کیتی ڳئی ۔ وزیراعظم بیلاروس د?? شنگھائی تعاون تنظیم دی رکنیت تے صدر لوکاشینکو کوں مبارخ ݙیندے آکھیے جو ایںدے نال تنظیم ٻئی تکڑی تھیسی۔ ݙوہیں رہنماواں گزریل ݙاھاکے اچ پاکستان اتے بیلاروس تعلقات دے سارے پہلوواں اچ مثبت پیشرفت تے اطمینان کیتے اتے سانجھے فیدہ مند تعاون تے اقتصادی و تجارتی تعلقات کوں ٻیا تکڑا بݨاوݨ دے عزم کیتے ۔ وزیراعظم بیلا روس دے صدر کوں حکومت پاکستان دی برآمدات اچ ودھارے، عوامی مالیات دی مضبوطی اتے دو??ت ملکاں توں سرمایہ کاری گھن آوݨ ذریعے پاکستان دی اقتصادی بحالی دی پالیسی بارے ݙسایا۔ ݙوہیں رہنماواں عالمی تے علاقائی پ??شرفت تے وی ڳالھ مہاڑ کیتی اتے شنگھائی تعاون تنظیم (ایس سی او) دے تحت کم دے مختلف پہلواں تے اڳونہی جائزہ ڳھدے ۔ وزیراعظم پرامن اتے مستحکم خطے سانڳے پاکستان دی کوششاں تے خواہشات دا اظہار کیتے۔
