نارروال۔25ستمبر (اے پی پی):وفاقی وزیر منصوبہ بندی، ترقی و اصلاحات احسن اقبال آکھیے جو عمران نیازی گزریل چار سال چور ڈاکو دا کھیݙ کھیݙیا، انہاں آپݨے دور اچ مخالفین کوں سیاسی انتقام دا نشانہ بݨاوݨ دے علاوہ کجھ نی کیتا، ، نارروال سپورٹس سٹی کیس اچ میݙ?? بریت میݙی دیانت داری دا ثبوت اے۔ اے ڳالھ انہاں اتوار کوں اتھاں پریس کانفرنس کریندے ہوئیں آکھی اے۔ انہاں آکھیے جو انہاں کوں نارروال دے عوام 2018 دے انتخابات اچ منتخب کرتے اسمبلی بھیجا۔انہاں آکھیے جو عمران خان گزریل چار سال اچ صرف کوڑ ماریا ، چور ڈاکو دا شور مچا تے دشنام طرازی کیتی۔ انہاں آکھیے جو نارروال سپورٹس سٹی کیس اچ چیف جسٹس اسلام آباد ہائی کورٹ ھک گھنٹہ نیب توں سوال کیتا جو او کرپشن دا ثبوت ݙیون لیکن او آئیں بائیں شائیں کریندے رہیے تے عدالت دے سامݨے کوئی ثبوت پیش نی کر سڳیے ، عدالت قرار ݙتے جو اے کیس سیاسی بنیاداں تے بݨایا ڳیا ۔وفاقی وزیر آکھیے دنیا پاکستان دی مدد کرݨ چاہندی اے لیکن عمران نیازی تے انہاں دی جماعت سوشل میڈیا تے آکھدے ??ئن جو پاکستان دی مدد نہ کیتی ونڄے ، پاکستان دے مفاد دے خلاف کم کرݨ آلا کی??ھے منہ نال حقیقی آزادی دی ڳالھ کریندے ۔
