اسلام آباد۔25مارچ (اے پی پی):قومی ادارہ صحت دے نیشنل کمانڈ اینڈ آپریشنل سنٹر (این سی او سی ) آکھیے گزریل چووی گھنٹے اچ وفاقی دارالحکومت اسلام آباد سودھے ملک دے وکھو وکھ شہراں توں کورونا وائرس دے89 نویں کیس رپورٹ تھئن جیں توں مثبت کیسز دی مجموعی شرح 3.25 فیصدریکارڈ تھئی اے ۔ ہفتہ25 مارچ 2023 کوں این سی او سی توں جاری تازہ ترین اعداد و شمار موجب گزریل 24 گھنٹے اچ کل2530 ٹیسٹ کیتے ڳئن تے 89 نویں مثبت کیسز سامݨے آئن ۔ گزریل 24 گھنٹے اچ کورونا پاروں کوئی مریض جاں بحق نی تھیا تاں جو 19 مریضاں دی حالت تشویشناک ݙسائی ڳئی اے ۔ وفاقی دارالحکومت اسلام آباد سودھے لاہور، پشاور تے گلگت کوں کورونا توں متاثرہ شہراں دی کیٹگری اچ شامل کیتا ڳئے ۔
