اسلام آباد۔5مئی(اے پی پی):وفاقی وزیرصحت عبدالقادر پٹیل آکھیے امریکا اوکھے ویلھے ہمیشہ پاکستان دا ساتھ ݙتا، سانجھی ہیلتھ ڈائیلاگ دے ݙوجھے راؤنڈ دے منتظر ہیسے۔ اے ڳالھ انہاں امریکی سفارتخانے دے ڈپٹی چیف آف مشن اینڈریو شوفر نال ٹیلی فونک ڳالھ مہاڑ اچ آکھی اے ۔ ݙوہیں رہنماواں ڳالھ مہاڑ اچ صحت دے شعبے اتے سانجھی دلچسپی دے امور تے ڳالھ مہاڑ کیتی ۔ وزیر صحت سیلاب دے دوران امریکی امداد تے خصوصی شکریہ ادا کیتے تے آکھیے صحت دے شعبے اچ بہتری ساݙی اولین ترجیح اے،اساں پاکستان تے امریکا دے درمیان ہیلتھ ڈائیلاگ دے ݙوجھے راؤنڈ دے منتظر ہن۔ عبدالقادر پٹیل آکھیے امریکی ادارے یو ایس اے آئی ایڈ دی امداد ڈریپ دے حوالے نال انتہائی اہمیت دی حامل اے، ڈریپ خود کوں جدید خطوط تے استوار کریندا پئے ۔ ڈپٹی چیف آف مشن اینڈریو شوفر آکھیے امریکی حکومت پاکستان دی ہیلتھ دے شعبے اچ امداد تے تعاون جاری رکھیسی ۔ انہاں آکھیے پاکستان سیلاب آلے علاقیں اچ صحت دیاں سہولتاں ݙیوݨ کیتے موثر اقدامات کیتن ۔
