اسلام آباد۔27اگست(اے پی پی) وزیراعظم محمد شہباز شریف بلوچستان اچ امن و امان دی صورتحال چنڳی بݨاوݨ دے حوالے نال ہرممکن اقدامات تے دہشت گرداں دی نشاندہی کر تے انھاں دے خلاف بھرپور کارروائی دی ہدایات کیتن ۔ وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال وفاقی وزیر داخلہ سید محسن رضا نقوی اتے وزیراعلیٰ بلوچستان سرفراز بگٹی ملاقات کیتی۔وفاقی وزیر داخلہ تے وزیراعلیٰ بلوچستان وزیراعظم کوں بلوچستان دی سکیورٹی و مجموعی صورتحال تے تفصیلی بریفنگ ݙتی۔وزیراعظم آکھیے بلوچستان اچ گزریل ݙینھ تھیوݨ آلے دہشت گرد حملے بزدلانہ کارروائیاں ہن جنہاں دا کوئی جواز پیش نی کیتا ونڄ سڳدا ، ساݙی بہادر سکیورٹی فورسز اپݨی جاناں دا نذرانہ پیش کرتے دہشت گرداں دے عزائم کوں ناکام بݨائے۔وزیراعظم بلوچستان اچ امن و امان دی صورتحال چنڳی بݨاوݨ سانڳے ہرممکن اقدامات چاوݨ دی ہدایت کیتی ۔ انھاں دہشت گرداں دی نشاندہی کر تے انھاں دے خلاف بھرپور کارروائی دی ہدایت کیتی
