اسلام آباد۔13ستمبر (اے پی پی) نیشنل فلڈ ریسپانس کوآرڈینیشن سینٹر (این آر ایف سی سی) دا اجلاس ڈپٹی چیئرمین احسن اقبال ، چیئرمین این ڈی ایم اے لیفٹیننٹ جنرل اختر نواز اتے نیشنل کوآرڈینیٹر این ایف آر سی سی میجر جنرل محمد ظفر اقبال دی سانجھی صدارت اچ منگل کوں تھیا۔ این آر ایف سی سی دے مطابق فورم کوں موسمیات دی اڄوکی صورتھال بارے ݙسیا ڳیا جئیں اچ صحت دی صورتحال، سندھ اتے بلوچستان دے چھل توں متاثرہ علاقیاں اچ وبائی امراض نال نبڑݨ کیتے ڳالھ مہاڑ کیتی ڳئی۔ ڈپٹی چیئرمین وزارت صحت کوں ہدایت کیتی جو وزارت صحت چھل توں متاثر لوکاں کوں ضروری طبی امداد ݙیوݨ کیتے آندے اجلاس اچ تفصیلی ہیلتھ پلان پیش کرے۔
