اسلام آباد۔19فروری(اے پی پی):نگران وفاقی وزیر پارلیمانی امور مرتضیٰ سولنگی آکھیے جو اسلامی نظریاتی کونسل دی سالانہ رپورٹاں ݙوہیں ایواناں اچ پیش کیتیاں ڳئن ، پارلیمان توں اسلامی نظریاتی کونسل دی سفارشات تے عملدرآمد متعلق حکمت عملی ملݨ تے عمل درآمد کیتا ویسی ۔ سینیٹ اجلاس اچ سینیٹر مشتاق دی تحریک تے بحث سنبھیندے ہوئیں نگران وفاقی وزیر مرتضیٰ سولنگی آکھیے جو آرٹیکل 230(4) دے تحت اسلامی نظریاتی کونسل دی سالانہ رپورٹاں پارلیمان دے ݙوہیں ایواناں اچ پیش کیتیاں ڳئن ، انھاں رپورٹاں دی تفصیل توں پہلے ایوان اچ موجود ہن، حکومت دی طرفوں اے ذمہ واری پوری کرݙتی ڳئی اے ۔ انہاں آکھیے حکومت کوں پارلیمان دی طرفوں انہاں رپورٹاں تے عمل درآمد دے حوالے نال کوئی ہدایات نی ملیاں ، ایں امر دا یقین ݙیوایا ویندے جو پارلیمان دی طرفوں جݙاں وی کوئی حکمت عملی ملسی حکومت رولز آف بزنس 1973 موجب ایں حکمت عملی تے عمل درآمد کرویسی ۔
