اسلام آباد۔ 12اپریل(اے پی پی) وفاقی وزیر توانائی سردار اویس احمد خان لغاری آکھے جو پنجاب ہو ئے یا ملک دا کوئی وی حصہ جتھاں وی بجلی چوری تھیسی اتھاں لوڈشیڈ??گ کیتی ویسی‘ حکومت اتے کے الیکٹرک وچال مرکز ولوں 600 میگاواٹ بجلی ڈیونڑ دا معاہدہا جیندے اچ ایہ گالھ وی شامل ہائی جو کے الیکٹرک خودانحصاری دی پالیسی اختیار کریسی‘ مرکز ہنڑ تئیں اپنڑاں وعدہ نبھائے ،تاں جوکے الیکٹرک خودانحصاری آلے پاسے کوئی قدم نی چاتا‘ کراچی اچ بجلی دی صورتحال دا وزیراعظم نوٹس گھدے ‘ توقع ہے جو ایہ مسئلہ حل کرگھدا ویسی۔ خمیس کوں قومی اسمبلی اچ وقفہ سوالات دے دوران ڈاکٹر عارف علوی آکھی?? جو مرکز ولوں کراچی کوں 600 میگاواٹ توں ودھ بجلی نی ڈتی ویندی پئی ۔ سردار اویس لغاری آکھی?? جوجیرھے ڈینھ کے الیکٹرک دی صورتحال سامنڑے آئی اساں نیپرا کوں خط لکھ ڈتا۔ کے الیکٹرک اتے سوئی سدرن وچال معاہدے مطابق گیس ڈتی ویندی پئی ہے۔ وزیراعظم وی معاملے کوں فوری حل کرنڑ دی ہدایت کیتی ہے۔ کے الیکٹرک دے نال معاہدہ ا یہ کیتا گیا ہا جواساں 600 میگاواٹ بجلی ڈیسوں تاں جو معاہدے دے تحت کے الیکٹرک خود انحصاری وی اختیار کرنی ہائی،جیرھی جو انہاں نی کیتی ۔ سید وسیم حسین دے سوال دے جواب اچ اویس لغاری آکھی?? جو پنجاب ہو ئے یا ملک دا کوئی وی حصہ جتھاں وی چوری تھیسی اتھاں لوڈشیڈنگ تھیسی،اساڈا پیمانہ ساریاں سانگے ہک ہے۔
