لاہور۔8 نومبر(اے پی پی )وزیر اعلیٰ پنجاب سردار عثمان بزدارلاہور اچ پنجاب انسٹی ٹےوٹ آف کارڈےالوجی دا دورہ کیتے، جدےد ترےن کارڈیک ایم آر آئی اتے سی ٹی انجیومشےن دا افتتاح کیتے،مریضاں دی عیادت کیتی ،اتے طبی سہولتاں دا جائزہ گھدا،انہاں دا اآکھنڑ ہا جو غریباں کوں معیاری علاج معالجہ کیتے ہسپتالاں کوں جدید بنڑیسوں،پنجاب انسٹی ٹےوٹ آف کارڈےالوجی دا ماڈل پسماندہ علاقیاں اچ متعارف کرویسوں، صوبے اچ ہر کم میرت تے تھیسی،مظفر گڑھ اچ رجب طےب اردوان ہسپتال ،ڈےرہ غازی خان اتے بہاولپوراچ کارڈےک سہولتاں چنگیاں کریسوں۔ وزیراعلیٰ کوں انسٹی ٹیوٹ دے مختلف حصے، وارڈ اتے علاج معالجے کیتے جدیدآلات ڈکھائے گین اتے ادارے دے کم بارے تفصیلی بریفنگ ڈتی گئی۔وزیراعلیٰ پنجاب عثمان بزداردا دورے توں بعد میڈیا نال گالھ مہاڑاچ آکھنڑ ہا جو ائےر اےمبولےنس شروع کرنڑ دا جائزہ گھدا ویسی،ہسپتالاں اچ معیاری سہولتاں تئیں مریضاں دی رسائی ساڈا مقصد اے،عام آدمی کیتے ہیلتھ کیئر سسٹم کوں بہوں ودھ چنگاں بنڑایا ویسی، دور پرے دے علاقیاں اچ وی صحت دی معیاری سہولتاں 24 گھنٹے ڈیونڑ کیتے کم کیتا ویسی، ایندے کیتے حکمت عملی تے کم کیتا ویندا پئے۔انہاں آکھیے جو ملتان انسٹی ٹےوٹ کارڈےالوجی اتے وزےرآباد انسٹی ٹےوٹ آف کارڈےالوجی کوں اپ گرےڈکیتا ویسی جڈاں جو مظفر گڑھ اچ رجب طےب اردوان ہسپتال ،ڈےرہ غازی خان اتے بہاولپوراچ کارڈےک سہولتاں کوں ودھایا ویسی، صوبے اچ عوام کوں تیکھے تبدیلی نظر آسی۔انہاں اعلان کیتے جو سابق دور دے جیہڑے چنگے منصوبے ہین او جاری رکھیے ویسن۔ہک سوال دے جواب اچ عثمان بزدارآکھیے جو اپنڑے آبائی علاقے ونجنڑ چاہندا بھل مصروفیت جنگھاں اڑائی کھڑی اے،ایندے کیتے ویلھا کڈھنڑ دی کوشش اچ ہاں اتے تیکھے آبائی علاقے اپنڑے لوکاں اچ ویساں اتے اتنا مانڑ ڈیونڑ تے شکریہ ادا کریساں۔
.jpg)
