اسلام آباد۔11اکتوبر (اے پی پی):صدر مملکت ڈاکٹر عارف علوی آکھیے جو پاکستان سرمایہ کاری کوں راغب کرݨ اچ متحدہ عرب امارات دے ماڈل تے عمل کرݨ چاہندے ، گوادر بندرگاہ وسطی ایشیا دیاں ریاستاں دے نیڑے ہے ، اےبین الاقوامی تجارت کیتے ھک ودھارا ھے تے متحدہ عرب امارات دی جبل علی پورٹ جیڑھی کم کریندی پئی اے اینکوں وسعت ݙیسی ، ݙوہیں بندرگاہیں ھک ݙوجھے کوں مضبوط بݨا سڳدن ، امارات نیوز ایجنسی دے نال ھک خصوصی انٹرویو اچ صدر مملکت آکھیے جو گوادر پورٹ مئی 2021 اچ مکمل طور تے آپریشنل تھی ڳئی اے تے 50 ہزار ڈیڈ ویٹ بلک کیریئرز کوں سنبھالݨ دی صلاحیت رکھیندی اے ۔ متحدہ عرب امارات دے وزیراعظم شیخ محمد دے نال آپݨی ملاقات اتے پاکستان تے متحدہ عرب امارات دے درمیان سفارتی تعلقات دے قیام دی 50 سالہ سالگرہ بارے ڳال کریندے ہوئیں عارف علوی آکھیے جو اہاں دے نال مل تے خوشی تھئی ، دنیااچ دبئی دا کردار قابل تعریف اے، دبئی کاروبار کوں چنڳی طرح سمجھیے ، ایں کنے محدود وسائل ہن لیکن اوں پوری دنیا دے وسائل کوں آپݨے پاسے راغب کیتا ۔ صدر مملکت ݙسائے جو انہاں میکوں آپݨی کتاب [میݙی کہانی] ݙتی جیڑھی جو اردو وچ ھے میں اینکوں ضرور پڑھساں کیوں جو انہاں دی سوانح عمری اچ دلچسپی رکھینداں انہاں کیویں تبدیلی دی قیادت کیتی تے ول آپݨے ملک کوں ترقی آلے پاسے گھن ڳئے ۔
.jpg)
