اسلام آباد۔7اکتوبر(اے پی پی)وفاقی وزیر داخلہ رانا ثنا اللہ خان آکھیے جو وزیراعظم آفس سائبر سکیورٹی بریچ اچ اپݨی یا بیرون ملک دی کہیں ایجنسی دا کوئی ہتھ کائنی، ہݨ تئیں دی تحقیقات موجب اے معاملہ افراد دو ویندا پئے، وفاقی دارالحکومت دے ریڈ زون اچ کہیں وی احتجاج یا دھرنے دی اجازت کائنی جیکر پی ٹی آئی اسلام آباد تے قبضے لو آوݨ چاہندی اے تاں ایکوں ہر قیمت تے رکیسوں، عمران خان دی سیاست کوں اپݨی ہی آڈیو لیکس کفن پوا ݙتے، فارن فنڈنگ کیس اچ سیف اللہ نیازی کوں حفاظتی حراست اچ ڳھدے، ضروری ہویا تاں گرفتاری پا تے تفتیش کیتی ویسی۔ اسلام آباد اچ پریس کانفرنس کریندے انہاں آکھیا جو کئی واری اے آہداں جو عمران خان ہک فتنہ اے جیڑھا قوم کوں ونݙݨ چاہندے، قوم کوں ایکوں سنڄاݨݨا ہوسی نتاں اے ساݙی نسل کوں گمراہ کرتے کہیں حادثے وات کر ݙیسی۔
.jpg)
