بیجنگ۔12جولائی (اے پی پی):وفاقی وزیر منصوبہ بندی، ترقی ،اصلاحات و خصوصی اقدامات احسن اقبال آکھیے موجودہ حکومت ملکی معیشت کوں ول پٹڑی تے گھن آوݨ تے ترقی دے دور دی امید کیتے ٻہوں سارے اقدامات کیتن ، پاکستان سرمایہ کاری دے پرکشش مواقع موجود ہن، سارے سرمایہ کاراں خصوصاً چینی تاجراں کوں انفارمیشن ٹیکنالوجی، زراعت، ڈیری فارمنگ، ہاؤسنگ، کان کنی اتے مینوفیکچرنگ دے شعبیں اچ سرمایہ کاری کرݨ دا خیر مقدم کریندوں ، اے ڳالھ انہاں بیجنگ اچ پاکستان چائنا بزنس فورم دے شرکا توں خطاب کریندے ہوئیں آکھی اے ۔ پاکستان چائنا بزنس فورم دااہتمام نیشنل بینک تے حبیب بینک دے تعاون نال بیجنگ اچ پاکستانی سفارتخانے کیتا ۔ فورم توں خطاب کریندے ہوئیں وفاقی وزیر آکھیے غیر ملکی سرمایہ کاراں دی سہولت کیتے 2 کونسلز قائم کیتیاں ڳئن تے اے ھک ون ونڈو آرگنائزیشن اے جیں دے ممبران وفاقی حکومت اتے صوبائی حکومتاں ہن ۔
