اسلام آباد۔17دسمبر (اے پی پی) وزیرِاعظم دے کوآرڈینیٹر برائے قومی صحت ڈاکٹر ملک مختار احمد بھرتھ آکھیا جو پولیو وائرس دی اڄوکی صورتحال پورے ملک دے ٻالاں کیتے سنگین خطرہ اے۔ اے ڳالھیں انہاں آپݨے ہائی رسک یونین کونسل گوجرو دے دورہ اچ آکھی۔ آپݨے دورے اچ انہاں پولیو مہم دا معائنہ کیتا۔ پولیو ٹیماں نال ملاقات کیتی اتے چیلنجز بارے پچھیا۔ انہاں آکھیا جو 16 توں 22 دسمبر تئیں ملک دے 143 مخصوص ضلعیاں اچ پولیو دے خلاف مہم جاری اے۔ انہاں والدین توں اپیل کیتی جو پولیو ورکرز نال تعاون کرن اتے آپݨے پنڄ سال تئیں عمر دے ٻالاں کوں پولیو توں بچاؤ دے قطرے لازمی پلاون۔
